Uraan-in situ-logingsmyne kan groot gebiede dek

Die duisende boorgate op ’n ISL-myn kan in verskillende patrone geboor word, hetsy parallelle lyne van inspuiting- en produksieboorgate of patrone van aangrensende vierkante of seshoeke met ’n produksieboorgat in die middel van die patroon en inspuitingboorgate by die hoeke.

’n Groot myn word in kleiner myneenhede (ME’s) verdeel en word een na die ander ontgin oor ’n tydperk wat van ’n kwart tot ’n halwe eeu of meer kan duur. ’n Voorbeeld is die Lost Creek-myn in die VSA. Dit beslaan 1 700 hektaar (sowat die helfte van die grootte van ’n gemiddelde SAB-plaas) en word in 19 ME’s verdeel.

Met ongeveer 1 400 ISL-boorgate in elke ME wat tussen 20 m en 30 m van mekaar geleë is, sal die totale aantal boorgate op die myn uiteindelik 26 000 oorskry.

Oppervlakpypleidings en elektriese kabels verbind elke boorgat met beheerkamers en die verwerkingsaanleg. Alarms word geaktiveer as daar ’n skielike verandering in druk is, maar stadige veranderinge, wat moontlik veroorsaak kan word deur stadige lekkasies of ontsnapping van die mynoplossing, is nie so maklik om op te spoor nie.

Om hierdie artikel in Engels te lees, klik hier

Om hierdie artikel in Duits te lees, klik hier